Primam- 6:00am
Officium I (Durante el año. — desde Maitines del 3 de Febrero hasta Nona del Sábado antes del primer Domingo de Adviento).
Orátio ante Offícium.
APERI, Dómine, os meum ad benedicéndum nomen sanctum tuum: munda quoque cor meum ab ómnibus vanis, pervérsis et aliénis cogitatiónibus; inteléctum illúmina, afféctum inflámma, ut digne, atténte ac devóte hoc Officium recitáre váleam, et exaudíri mérear ante conspéctum divínæ Maiestátis tuæ. Per Christum, Dóminum nostrum.
℟. Amen.
Dómine, in unióne illíus divínæ intentiónis, qua ipse in terris laudes Deo persolvísti, has tibi Horas (o hanc tibi Horam) persólvo.
Incipit. (specialis)
In secreto
AVE María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.
Deinde, clara voce, dicitur Versus:
℣. Deus ✠ in adjutórium meum inténde.
℟. Dómine, ad adjuvándum me festína.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Allelúia
Desde las completas del Sábado antes de Septuagésima hasta Pascua, en vez de Allelúia se dice: Laus tibi, Dómine, Rex ætérnæ glóriæ.
Hymnus.
MEMÉNTO, rerum Cónditor,
Nostri quod olim córporis,
Sacráta ab albo Vírginis
Nascéndo, formam súmpseris.
María, Mater grátiæ,
Dulcis Parens cleméntiæ,
Tu nos hoste prótege
Et mortis hora súscipe.
Iesu, tibi sit glória,
Qui natus es de Vírgine,
Cum Patre, et almo Spíritu,
In sempitérna sǽcula.
Amen
Invitatorium.
Ant. Assúmpta est María in cælum.
Psalmus LIII (53).
DEUS, in nómine tuo salvum me fac, * et virtúte tua age causam meam.
Deus, audi oratiónem meam; * áuribus pércipe verba oris mei.
Nam supérbi insurrexérunt contra me, et violénti quæsiérunt vitam meam; * non proposuérunt Deum ante óculos suos.
Ecce, Deus ádiuvat me, * Dóminus susténtat vitam meam.
Retórque malum in adversários meos, * et pro fidelitáte tua déstrue illos.
Voluntárie sacrificábo tibi, * celebrábo nomen tuum, Dómine, quia bonum est.
Nam ex omni tribulatióne erípuit me, * et inimícos meos confúsos vidit óculos meus.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Psalmus LXXXIV (84).
PROPÍTIUS fuísti, Dómine, terræ tuæ; * bene vertísti sortem Iacob.
Dimisísti culpam pópuli tui; * opeuísti ómnia peccáta eórum.
Continuísti omnem iracúndiam tuam, * destitísti a furóre iræ tuæ.
Restítue nos, Deus Salvátor noster, * et depóne indignatiónem tuam advérsus nos.
Num in ætérnum irascéris nobis, * aut exténdes iram tuam in omnes generationes?
Nonne tu vitam restítues nobis, * et pópulus tuus lætábitur in te?
Osténde nobis, Dómine, misericódiam tuam, * et salútem tuam da nobis.
Áudiam, quid loquátur Dóminus Deus: * profécto lóquitur pacem.
Pópulo suo et sanctis suis * et eis qui corde convertúntur ad eum.
Certe propínqua est salus eius timéntibus eum, * ut hábitet glória in terra nostra.
Misericórdia et fidélitas óbviam vénient sibi, * iustítia et pax inter se osculabúntur.
Fidélitas germinábit ex terra, * et iustítia de cælo prospíciet.
Dóminus quoque dabit bonum, * et terra nostra dabit fructum suum.
Iustítia ante eum incédet, * et salus in via gréssuum eius.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Psalmus CXVI (116).
LAUDÁTE Dóminum, omnes gentes, * prædicáte eum, omnes pópuli,
Quóniam confirmáta est super nos misericórdia eius, * et fidélitas Dómini manet in ætérnum.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Assúmpta est María in cælum: gaudent Ángeli, laudántes benedícunt Dóminum.
Capitulum (Cant. 6, 9).
QUÆ est ista, quæ progréditur quasi auróra consúrgens, pulchra ut luna, elécta ut sol, terríbilis ut castrórum ácies ordináta?
℟. Deo grátias.
℣. Dignáre me laudáre te, Virgo sacráta.
℟. Da mihi virtútem contra hostes tuos.
✠ Kýrie, eléison.
✠ Christe, eléison.
✠ Kýrie, eléison.
Collécta.
℣. Dómine, exáudi oratiónem meam.
℟. Et clamor meus ad te véniat.
Oremus.
DEUS, qui virginálem aulam beátæ Maríæ, in qua habitáres, elígere dignátus es: da, quǽsumus; ut, sua nos defensióne munítos, iucúndos fácias suæ interésse commemoratióni: Qui vivis et regnas cum Deo Patre, in unitáte Spíritus Sancti, Deus, per ómnia sǽcula saeculórum.
℟. Amen.
Conclūsiō.
℟. Et clamor meus ad te véniat.
℣. Benedicámus Dómino.
℟. Deo grátias.
℣. Fidelium animae per misericordiam Dei requiescant in pace.
℟. Amen.
Pater noster, qui es in cælis,
sanctificétur nomen tuum.
Advéniat regnum tuum,
fiat volúntas tua, sicut in cælo, et in terra.
Panem nostrum quotidiánum da nobis hódie,
et dimítte nobis débita nostra sicut et nos
dimíttimus debitóribus nostris.
Et ne nos indúcas in tentatiónem,
sed líbera nos a malo.
℟. Amen.
