Ad Matutinum - 2:00am
Officium I (Durante el año. — desde Maitines del 3 de Febrero hasta Nona del Sábado antes del primer Domingo de Adviento).
Orátio ante Offícium.
APERI, Dómine, os meum ad benedicéndum nomen sanctum tuum: munda quoque cor meum ab ómnibus vanis, pervérsis et aliénis cogitatiónibus; inteléctum illúmina, afféctum inflámma, ut digne, atténte ac devóte hoc Officium recitáre váleam, et exaudíri mérear ante conspéctum divínæ Maiestátis tuæ. Per Christum, Dóminum nostrum.
℟. Amen.
Dómine, in unióne illíus divínæ intentiónis, qua ipse in terris laudes Deo persolvísti, has tibi Horas (o hanc tibi Horam) persólvo.
Incipit. (specialis)
In secreto
AVE María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.
Deinde, clara voce, dicitur Versus:
℣. Dómine, lábia ✠ mea apéries.
℟. Et os meum annuntiábit laudem tuam.
℣. Deus ✠ in adjutórium meum inténde.
℟. Dómine, ad adjuvándum me festína.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Allelúia
Desde las completas del Sábado antes de Septuagésima hasta Pascua, en vez de Allelúia se dice: Laus tibi, Dómine, Rex ætérnæ glóriæ.
Invitatorium.
Ant. Ave María, grátia plena, * Dóminus tecum.
Ant. Ave María, grátia plena, * Dóminus tecum.
Psalmus XCIV (94).
VENÍTE, exsultémus Dómino, acclamémus Petræ salútis nostræ: accedámus in conspéctum eius cum láudibus, cum cánticis exsultémus ei.
Ave, María, grátia plena; * Dóminus tecum.
Nam Deus magnus est Dóminus, et Rex magnus super omnes deos: in manu eius sunt profúnda terræ, et altitúdines móntium ipsíus sunt.
Dóminus tecum.
Las palabras que siguen en cursiva, se dicen de rodillas:
Ipsíus est mare: nam ipse fecit illud, et terra sicca, quam formavérunt manus eius: venite, adorémus et procidámus, et génua flectámus Dómino qui fecit nos. Nam ipse est Deus noster; nos autem pópulus páscuæ eius et oves manus eius.
Ant. Ave, María, grátia plena; * Dóminus tecum.
Útinam hódie vocem eius audiátis: Nolíte obduráre corda vestra ut in Meríba, ut die Massa in desérto, ubi tentavérunt me patres vestri, probavérunt me, etsi víderant ópera mea.
Ant. Dóminus tecum.
Quadragínta annos tæduit me generatiónis illíus, et dixit: Pópulus errans corde sunt, et non novérunt vias meas. Ídeo iurávi in ira mea: non introíbunt in réquiem meam.
Ant. Ave, María, grátia plena; * Dóminus tecum.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Dóminus tecum.
Ant. Ave, María, grátia plena; * Dóminus tecum.
Hymnus.
QUEM terra, pontus, sídera
Colunt, adórant, prædicant,
Trinam regéntem máchinam,
Claustrum Maríæ báiulat.
Cui luna, sol, et ómnia
Desérviunt per témpora,
Perfúsa cæli grátia,
Gestant puéllæ víscera.
Beáta Mater múnere,
Cuius supérnus Ártifex
Mundum pugíllo cóntinens,
Ventris sub arca clausus est.
Beáta cæli núntio,
Fœcúnda sancto Spíritu,
Desiderátus géntibus,
Cuius per alvum fusus est.
Iesu, tibi sit glória,
Qui natus es de Vírgine,
Cum Patre et almo Spíritu,
In sempitérna sǽcula.
℟. Amen.
Primus Noctúrnus.
(Domingo, Lunes y Jueves).
Ant. Benedícta tu.
Psalmus VIII (8).
DÓMINE, Dómine noster, quam admirábile est nomen tuum in univérsa terra, qui extulísti maiestátem tuam super cælos.
Ex ore infántium et lacténtium parásti laudem contra adversários tuos, * ut compéscas inimícum et hostem.
Cum vídeo cælos tuos, opus digitórum tuírum, * lunam et stellas quæ tu fundásti:
Quid est homo, quod memor es eius?, * aut fílius hóminis, quod curas de eo?
Et fecísti eum paulo minórem Ángelis, * glória et honóre coronásti eum;
Dedísti ei potestátem super ópera mánuum tuárum, * ómnia subiecísti pédibus eius:
Oves et boves univérsos, * ínsuper et pécora campi,
Vólucres cæli et pisces maris: * quidquid perámbulant sémitas márium.
Dómine, Dómine noster, * quam admirábile est nomen tuum in univérsa terra!
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Benedícta tu in muliéribus, et benedíctus fructus ventris tui.
Ant. Sicut myrrha.
Psalmus XVIII (18).
CÆLI enárrant glóriam Dei, * et opus mánuum eius annúntiat firmaméntum.
Dies diéi effúndit verbum, * et nox nocti tradit notítiam.
Non est verbum et non sunt sermónes, * quorum vox non percipiátur:
In omnem terram exit sonus eórum, * et usque ad fines orbis elóquia eórum.
Ibi pósuit soli tabernáculum suum, qui procédit ut sponsus de thálamo suo, * exsúltat ut gigas percúrrens viam.
A término cæli fit egréssus eius, et circúitus eius usque ad términum cæli, * nec quidquam subtráhitur ardóri eius.
Lex Dómini perfécta, récreans ánimam; * præscríptum Dómini firmum, instítuens rudem.
Præcépta Dómini recta, deletántia cor; * mandátum Dómini mundum, illústrans óculos;
Timor Dómini purus, pérmanens in ætérnum; * iudícia Dómini vera, iusta ómnia simul,
Desiderabília super aurum et obrýzum multum, * et dulcióra melle et liquóre favi.
Etsi servus tuus atténdit illis, * in iis custodiéndis sédulus est valde,
Erráta tamen quis animadvértit? * a mihi occúltis munda me.
A supérbia quoque próhibe servum tuum, * ne dominétur me.
Tunc ínteger ero et mundus * a delicto grandi.
Accépta sint elóquia oris mei et meditátio cordis mei * coram te, Dómine, Petra mea et Redémptor meus.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Sicut myrrha elécta, odórem dedísti suavitátis, sancta Dei Génetrix.
Ant. Ante torum.
Psalmus XXIII (23).
DÓMINI est terra et quae replent eam, * orbis terrárum et qui hábitant in eo.
Nam ipse super mária fundávit eum, * et super flúmina firmávit eum.
Quis ascéndet in montem Dómini, * aut quis stabit in loco sancto eius?
Innocens mánibus et mundus corde, qui non inténdit mentem suam ad vana, * nec cum dolo iurávit próximo suo.
Hic accípiet benedictiónem a Dómino * et mercédem a Deo Salvatóre suo.
Hæc est generátio quæréntium eum, * quæréntium fáciem Dei Iacob.
Attóllite, portæ, cápita vestra, et attóllite vos, fores antíquæ, * ut ingrediátur Rex glóriæ!
Quis est iste Rex glóriæ? * Dóminus fortis et potens, Dominus potens in prœlio.
Attóllite, portæ, cápita vestra, et attóllite vos, fores antíquæ, * ut ingrediátur Rex glóriæ!
Quis est iste Rex glóriæ? * Dóminus exercítuum: ipse est Rex glóriæ.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Ant. Ante torum huius Virginis frequentate nobis dulcia cantica dramatis.
℣. Diffúsa est grátia in lábiis tuis.
℟. Proptérea benedíxit te Deus in ætérnum.
In secreto
Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris:
℣. Et ne nos indúcas in tentatiónem:
℟. Sed líbera nos a malo.
Secúndus Noctúrnus
(Martes y Viernes)
Ant. Spécie tua
Psalmus XLIV (44).
EFFÚNDIT cor meum verbum bonum: dico ego carmen meum regi; * lingua mea stilus est scribæ velócis.
Speciósus es forma præ filiis hóminum, diffúsa est grátia super lábia tua: * proptérea benedíxit tibi Deus in ætérnum.
Cinge gládium tuum super femur, potentíssime, * decórem tuum et ornátum tuum!
Felíciter evéhere pro fide et pro iustítia, * et præclára gesta dóceat te déxtera tua.
Sagíttæ tuæ acútæ, pópuli tibi subdúntur, * defíciunt corde inimíci regis.
Thronus tuus, Deus, in Sǽculum sǽculi; * sceptrum æquitátis sceptrum regni tui.
Díligis iustítiam et odísti iniquitátem: proptérea unxit te Deus, Deus tuus, * óleo laetítiæ præ consórtibus tuis.
Myrrhâ et áloë et cássiâ fragrant vestiménta tua; * ex ǽdibus ebúrneis fídium sonus lætíficat te.
Fíliæ regum óbviam véniunt tibi, * regína adstat ad déxteram tuam ornáta auro ex Ophir.
Audi, fília, et vide, et inclína aurem tuam, * oblivíscere pópulum tuum et domum patris tui.
Et conscupíscet Rex pulchritúdinem tuam: * ipse est dóminus tuus; obséquere ei.
Et pópulus Tyri cum munéribus venit; * favórem tuum captant próceres plebis.
Tota decóra ingréditur fília regis; * textúræ áureæ sunt amíctus eius.
Amíctu variegáto indúta addúcitur ad regem; * vírgines post eam, sóciæ eius, adducúntur ad te.
Afferúntur cum lætítia et exultatióne, * ingrediúntur in palátium regis.
Loco patrum tuórum erunt fílii tui; * constítues eos príncipes super totam terram.
Memorábo nomem tuum in omnem generatiónem; * proptérea pópuli celebrábunt te in sǽculum sǽculi.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Spécie tua et pulchritúdine tua inténde, próspere procéde, et regna.
Ant. Adiuvábit eam.
Psalmus XLV (45).
DEUS est nobis refúgium et robur; * adiutórem in angústiis probávit se valde.
Proptérea non timémus, dum subvértitur terra, * et montes cadunt in médium mare.
Tumultuéntur, ǽstuent aquæ eius, * concutiántur montes ímpetu eius:
Dóminus exercítuum nobíscum; * præsídium nobis est Deus Iacob.
Flúminis rívuli lætíficant civitátem Dei, * sanctíssimum tabernáculum Altíssimi.
Deus est in médio eius, non commovébitur; * auxiliábitur ei Deus primo dilúculo.
Fremuérunt gentes, commóta sunt regna; * intónuit voce sua, difflúxit terra:
Dóminus exercítuum nobíscum; * præsídium nobis est Deus Iacob.
Veníte, vidéte ópera Dómini, * quæ egit stupénda in terra.
Qui compéscit bella usque ad finem terræ, * arcus cónterit et confríngit hastas, et scuta combúrit igni.
Desístite, et agnóscite me Deum, * excélsum in géntibus, excélsum in terra.
Dóminus exercítuum nobíscum; * præsídium nobis est Deus Iacob.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Adiuvábit eam Deus vultusuo: Deus in médio eius, non commovébitur.
Ant. Sicut lætántium
Psalmus LXXXVI (86).
FUNDATIÓNEM suam in móntibus sanctis díligit Dóminus: * portas Sion magis quam ómnia tabernácula Iacob.
Gloriósa prædicántur de te, * cívitas Dei!
Accensébo Rahab et Babel coléntibus me: * ecce, Philistǽa et Tyrus populúsque Æthíopum: hi nati sunt illic.
Et de Sion dicétur: Virítim omnes sunt nati in ea, * et ipse firmávit eam Excélsus.
Dóminus scribet in libro populórum: * Hi nati sunt illic.
Et cantábunt, dum chorum ducent: * Omnes fontes mei sunt in te.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Sicut lætántium ómnium nostrum habitátio est in te, sancta Dei Génetrix.
℣. Diffúsa est grátia in lábiis tuis.
℟. Proptérea benedíxit te Deus in ætérnum.
In secreto
Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris:
℣. Et ne nos indúcas in tentatiónem:
℟. Sed líbera nos a malo.
Tértius Noctúrnus
(Miercoles y Sabado)
Ant. Gaude, María Virgo.
Psalmus XCV (95).
CANTÁTE Dómino cánticum novum, * cantáte Dómino omnes terræ.
Cantáte Dómino, benedícite nómini eius, * annuntiáte de die in diem salútem eius.
Enarráte inter gentes glóriam eius, * in ómnibus pópulis mirabília eius.
Nam magnus est Dóminus et laudándus valde, * timéndus magis quam omnes dii.
Nam omnes dii géntium sunt figménta; * Dóminus autem cælos fecit.
Maiéstas et decor præcédunt eum; * poténtia et splendor sunt in sede sancta eius.
Tribúite Dómino, famíliæ populórum tribúite Dómino glóriam et poténtiam; * tribúite Dómino glóriam nóminis eius.
Offérte sacrifícium et introíte in átria eius; * adoráte Dóminum in ornátu sacro.
Contremísce coram eo, univérsa terra; * dícite inter gentes: Dóminus regnat.
Stabilívit orbem, ut non moveátur: * regit pópulus cum æquitáte.
Læténtur cæli, et exsúltet terra; ínsonet mare et quæ illud implent; * géstiat campus et ómnia quæ in eo sunt.
Tum gaudébunt omnes árbores silvæ coram Dómino, quia venit, * quia venit régere terram.
Reget orbem terrárum cum iustítia, * et pópulus cum fidelitáte sua.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Gaude, María Virgo: cunctas hǽreses sola interemísti in univérso mundo.
Ant. Dignáre me.
Psalmus XCVI (96).
DÓMINUS regnat: exúltet terra, * læténtur ínsulæ multæ.
Nubes et calígo circúmdant eum, * iustítia et ius fundaméntum sunt sólii eius.
Ignis ante ipsum præcédit, * et combúrit in circúitu inimícos eius.
Fúlgura eius collústrant orbem; * terra videt et contremíscit.
Montes ut cera liquéscunt coram Dómino, * coram dominatóre univérsæ terræ.
Cæli annúntiant iustítiam eius; * et omnes pópuli vident glóriam eius.
Confundúntur omnes qui colunt sculptília et qui gloriántur in idólis; * ante eum se postérnunt omnes dii.
Audit, et lætátur Sion, et exsúltant civitátes Iuda * propter iudícia tua, Dómine.
Nam tu, Dómine, excélsus es super omnem terram, * summe éminens inter omnes deos.
Dóminus díligit eos, qui odérunt malum, custódit ánimas sanctórum suórum, * de manu impiórum éripit eos.
Lux óritur iusto, * et rectis corde lætítia.
Lætámini, iusti, in Dómino, * et celebráte nomen sanctum eius.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Dignáre me laudáre te, Virgo sacráta: da mihi virtútem contra hostes tuos.
Ant. Post partum.
Psalmus XCVII (97).
CANTÁTE Dómino cánticum novum, * quia mirabília fecit.
Victóriam parávit ei déxtera eius, * et brácchium sanctus eius.
Notam fecit Dóminus salútem suam; * in conspéctu géntium revelávit iustítiam suam,
Recordátus est bonitátis et fidelitátis suæ * in grátiam domus Ísraël.
Vidérunt omnes fines terræ * salútem Dei nostri.
Exsultáte Dómino, omnes terræ, * lætámini et gaudéte et psállite.
Psállite Dómino cum cíthara, * cum cíthara et sónitu psaltérii,
Cum tubis et sono búcinæ: * exsultáte in conspéctu regis Dómini.
Ínsonet mare et quæ illud replent, * orbis terrárum et qui hábitant in eo.
Flúmina plaudant mánibus, * simul montes exsúltent.
Coram Dómino, quia venit, * quia venit régere terram.
Reget orbem terrárum cum iustítia * et pópulos cum æquitáte.
℣. Glória Patri, et Fílio, * et Spirítui Sancto.
℟. Sicut erat in princípio, et nunc, et semper, * et in sǽcula sæculórum.
Amen.
Ant. Post partum, Virgo, invioláta permansísti: Dei Génetrix, intercéde pro nobis.
℣. Diffúsa est grátia in lábiis tuis.
℟. Proptérea benedíxit te Deus in ætérnum.
In secreto
Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris:
℣. Et ne nos indúcas in tentatiónem:
℟. Sed líbera nos a malo.
Absolutio.
PRÉCIBUS et méritis beátæ Maríæ semper Vírginis et ómnium Sanctórum, perdúcat nos Dóminus ad regna cælórum.
℟. Amen.
Benedictio.
℣. Iube, domne, benedícere.
Nos cum prole pia benedícat Vírgo Maríæ.
℟. Amen.
Lectio I (Eccli. 24, 11 - 13).
IN ómnibus réquiem quæsívi et in hereditáte Dómini morábor. Tunc præcépit et dixit mihi Creátor ómnium, et, qui creávit me, requiévit in tabernáculo meo, et dixit mihi: In Iacob inhábita, et in Ísraël hereditáre, et in eléctis meis mitte radíces. Tu autem, Dómine, miserére nobis.
℟. Deo grátias.
Responsorium.
℟. Sancta et immaculáta virgínitas, quibus te láudibus éfferam, néscio: * Quia quem cæli cápere non póterant, tuo grémio contulísti.
℣. Benedícta tu in muliéribus, et benedíctus fructus ventris tui.
℟. Quia quem cæli cápere non póterant, tuo grémio contulísti.
Benedictio.
℣. Iube, domne, benedícere.
Ipsa Virgo vírginum intercédat pro nobis ad Dóminum.
℟. Amen.
Lectio II (Eccli. 24, 15 - 16).
ET sic in Sion firmata sum, et in civitáte sanctificáta simíliter requiévi, et in Ierúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea. Tu aurem, Dómine, miserére nobis.
℟. Deo grátias.
Responsorium.
℟. Beáta es, Virgo María, quæ Dóminum portásti, Creatórem mundi: * Genuísti qui te fecit, et in ætérnum pérmanes virgo.
℣. Ave, Maria, gratia plena; Dominus tecum.
℟. Genuísti qui te fecit, et in ætérnum pérmanes virgo.
℣. Glória Patri, et Fílio, et Spirítui Sancto.
℟. Genuisti qui te fecit, et in æternum permanes Virgo.
Benedictio.
℣. Iube, domne, benedícere.
Per Vírginem Matrem concédat nobis Dóminus salútem et pacem.
℟. Amen.
Lectio III (Eccli. 24, 17 - 20).
QUASI cedrus exaltáta sum in Líbano, et quasi cypréssus in monte Sion: quasi palma exaltáta sum in Cades, et quasi plantátio rosæ in Iéricho. Quasi olíva speciósa in campis, et quasi plátanus exaltáta sum iuxta aquam in platéis. Sicut cinnamómum et bálsamum aromatízans, odórem dedi; quasi myrrha elécta, dedi suavitátem odóris. Tu autem, Dómine, miserére nobis.
℟. Deo grátias.
Hymnus Ambrosianus
Te Deum laudámus: * te Dóminum confitémur.
Te ætérnum Patrem * omnis terra venerátur.
Tibi omnes Ángeli, * tibi Cæli, et univérsæ Potestátes:
Tibi Chérubim et Séraphim * incessábili voce proclámant:
Durante el siguiente verso, todos hacen una profunda reverencia.
Sanctus, Sanctus, Sanctus * Dóminus Deus Sábaoth.
Pleni sunt cæli et terra * maiestátis glóriæ tuæ.
Te gloriósus * Apostolórum chorus,
Te Prophetárum * laudábilis númerus,
Te Mártyrum candidátus * laudat exércitus.
Te per orbem terrárum * sancta confitétur Ecclésia,
Patrem * imménsæ maiestátis;
Venerándum tuum verum * et únicum Fílium;
Sanctum quoque * Paráclitum Spíritum.
Tu Rex glóriæ, * Christe.
Tu Patris * sempitérnus es Fílius.
Durante el siguiente verso, todos hacen una profunda reverencia.
Tu, ad liberándum susceptúrus hóminem: * non horruísti Vírginis úterum.
Tu, devícto mortis acúleo, * aperuísti credéntibus regna cælórum.
Tu ad déxteram Dei sedes, * in glória Patris.
Judex créderis * esse ventúrus.
Durante el siguiente verso, todos se arrodillan.
Te ergo quǽsumus, tuis fámulis súbveni, * quos pretióso sánguine redemísti.
Ætérna fac cum Sanctis tuis * in glória numerári.
Salvum fac pópulum tuum, Dómine, * et bénedic hereditáti tuæ.
Et rege eos, * et extólle illos usque in ætérnum.
Per síngulos dies * benedícimus te.
Durante el siguiente verso, todos hacen una profunda reverencia.
Et laudámus nomen tuum in sǽculum, * et in sǽculum sǽculi.
Dignáre, Dómine, die isto * sine peccáto nos custodíre.
Miserére nostri, Dómine, * miserére nostri.
Fiat misericórdia tua, Dómine, super nos, * quemádmodum sperávimus in te.
In te, Dómine, sperávi: * non confúndar in ætérnum.
Si enseguida se rezan los Laudes, las siguientes oraciones se omiten.
Collécta.
Orémus.
Deus, qui de beátæ Maríæ Víirginis útero Verbum tuum, Ángelo nuntiánte, carnem suscípere voluísti: præsta supplícibus tuis; ut, qui vere eam Genitrícem Dei crédimus, eius apud te intercessiónibus adiuvémur. Per eúndem Dóminum nostrum Iesum Christum, Fílium tuum, qui tecum vivit et regnat in unitáte Spíritus Sancti, Deus, per ómnia sǽcula sæculórum.
℟. Amen.
Conclūsiō.
℣. Dómine, exáudi oratiónem meam.
℟. Et clamor meus ad te véniat.
℣. Benedicámus Dómino.
℟. Deo grátias.
℣. Fidélium ánimæ per misericórdiam Dei requiéscant in pace.
℟. Amen.
In secreto
Pater noster, qui es in cælis,
sanctificétur nomen tuum.
Advéniat regnum tuum,
fiat volúntas tua, sicut in cælo, et in terra.
Panem nostrum quotidiánum da nobis hódie,
et dimítte nobis débita nostra sicut et nos
dimíttimus debitóribus nostris.
Et ne nos indúcas in tentatiónem,
sed líbera nos a malo.
℟. Amen.
Sacrosánctæ et indivíduæ Trinitáti, crucifíxi Dómini nostri Iesu Christi humanitáti, beatíssimæ et gloriosíssimæ sempérque Vírginis Maríæ fecúndæ integritáti, et ómnium Sanctórum universitáti sit sempitérna laus, honor, virtus et glória ab omni creatúra, nobísque remíssio ómnium peccatórum, per infiníta sæcula sæculórum.
℟. Amen.
℣. Beáta víscera Maríæ Vírginis, quæ portavérunt ætérni Patris Filium.
℟. Et beáta úbera, quæ lactavérunt Christum Dóminum.
In secreto
Pater noster, qui es in cælis,
sanctificétur nomen tuum.
Advéniat regnum tuum,
fiat volúntas tua, sicut in cælo, et in terra.
Panem nostrum quotidiánum da nobis hódie,
et dimítte nobis débita nostra sicut et nos
dimíttimus debitóribus nostris.
Et ne nos indúcas in tentatiónem,
sed líbera nos a malo.
℟. Amen.
Ave María, grátia plena,
Dóminus tecum;
benedícta tu in muliéribus,
et benedíctus fructus ventris tui, Iesus.
Sancta María, Mater Dei,
ora pro nobis peccatóribus,
nunc, et in hora mortis nostræ.
℟. Amen.
Credo in Deum Patrem omnipoténtem, Creatórem cæli et terræ, et in Iesum Christum, Fílium eius únicum, Dóminum nostrum, qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus; descéndit ad ínferos; tértia die resurréxit a mórtuis; ascéndit ad cælos, sedet ad déxteram Dei Patris omnipoténtis; inde ventúrus est iudicáre vivos et mórtuos. Credo in Spíritum Sanctum, sanctam Ecclésiam cathólicam, sanctórum communiónem, remissiónem peccatórum, carnis resurrectiónem, vitam ætérnam.
℟. Amen.
